झापा, ३० पुस । झापाको बाहुनडाँगीमा भाेलि हुने तरुल उत्सव सम्पूर्ण तयारी पुरा भएकाे छ । मेचीनगर–४ स्थित बाहुनडाँगीमा हुने तरुल उत्सव सम्पूर्ण तयारी पुरा भएकाे आयाेजकले जानकारी दिएकाे हाे ।

कार्यक्रममा ग्रामीण क्षेत्रमा उत्पादन हुने, घर तरुल, सिमल तरुल, सुढुनी तरुल, बनतरुललगायत परम्परागत कृषि औजारहरुको समेत उत्सवमा प्रर्दशनी गरिने मेचीनगर नगरपालिका–४ वडाध्यक्ष अर्जुन कार्कीले जानकारी दिए । उत्सवमा राष्ट्रिय तथा स्थानीय कलाकारहरुकाे समेत प्रस्तुति रहने छ ।

उत्सवमा मेचीनगर क्षेत्रका सामुदायिक तथा निजी विद्यालयका विद्यार्थीहरु विच सांस्कृतिक प्रतियोगिता हुने छ । कार्यक्रममा दुनाटपरी बुन्ने प्रतियोगिता, छेलाे हान्ने, चित्रकला प्रतियोगिता तथा विभिन्न सांस्कृतिक कार्यक्रम समेत हुने आयाेजकले बताएकाे छ ।