काठमाडौँ, २० माघ । यूएईको फुजराहमा हुने १०औं फुजराह ओपन अन्तर्राष्ट्रिय तेक्वान्दो च्याम्पियनसिपमा नेपाली खेलाडीले प्रतिस्पर्धा गर्ने भएका छन् । त्यसका लागि २० सदस्यीय नेपाली तेक्वान्दो टोली यूएई गएको छ ।

सानु महर्जन, सुजन श्रेष्ठ, शिभांगी श्रेष्ठ, सोनम गैरे, सुलभ भण्डारी, राजन भण्डारी, अनुष्का भण्डारी, अस्मिता सुब्बा, प्रनिश गुरुङ, सन्देश गिरी, दीपेश खत्री, सोनिया गैरे, सुष्मा थापा, सुजन सिलवाल र खुसी गौतमले प्रतिस्पर्धा गर्नेछन् ।
प्रशिक्षकमा नेपाल तेक्वान्दो संघका सदस्य बब्लु सिवाकोटी र टिम व्यवस्थापकमा प्रल्हाद थापा र बाबुलाल सुब्बा छन् । टोलीलाई नेपाल तेक्वान्दो संघका अध्यक्ष प्रकाश शम्शेर राणालगायतले बिदाइ गरे ।