रातोपोस्ट संवाददाता
मेचीनगर, २९ जेठ । गर्मी कम हुदै गएपछि झापाको मेचीनगरका विद्यालयहरु भोलिबाट साविक समय १० बजेदेखि सञ्चालन हुने भएको छ ।
मेचीनगर नगरपालिकाको शिक्षा शाखाले सुचना जारी गर्दै जेठ २५ गतेबाट विहानी सत्रमा सञ्चालन भइरहेका नगरका सबै विद्यालयलाई साविककै समयमा सञ्चालन गर्न भनेको हो । यस अघि अत्यधिक गर्मी वढेर जनजिवन प्रभावित भएपछि नगरपालिकाले विद्यालयहरुलाई विहानी सत्रमा कक्षा सञ्चालन गर्न भनेको थियो ।
अहिले मौसममा सुधार आएका कारण विद्यालयहरुलाई साविककै समयमा सञ्चालन गर्न निर्देशन गरिएकोे शिक्षा शाखा प्रमुख होमनाथ भण्डारीले जानकारी दिए ।
नगरपालिकाले दिउँसोको समयमा विद्यालय सञ्चालन हुने बिषयमा सम्बन्धित विद्यार्थी,शिक्षक र अभिभावकहरुलाई जानकारी दिने व्यवस्था मिलाउन पनि जानकारी गरेकाे छ ।