झापा, २४ असाेज । नेपाल कम्युनिस्ट पार्टीका महासचिव नेत्रविक्रम चन्द विप्लव आज झापा आउँदै छन् । समाजवादी मोर्चा नेपाल झापाको आयोजना हुने सन्देश सभालाई सम्बोधन गर्नका लागि महासचिव विप्लव आज झापा आउने लागेका हुन् ।
झापाको विर्तामोड सिटी सेन्टर स्थित साई पार्टी प्यालेसमा आज मध्यान्ह १२ बजेबाट कार्यक्रम शुरु हुने नेपाल कम्युनिस्ट पार्टीका मेची ब्युरो इन्चार्ज सुमनसिंहले जानकारी दिएका छन् ।
उनीसँगै नेकपा माओवादी केन्द्रका सचिव चक्रपाणी खनाल (बलदेव), एकीकृत समाजवादीका केन्द्रीय सचिव राजेन्द्र राई, जनता समाजवादीका केन्द्रीय सह-अध्यक्ष राजेन्द्र श्रेष्ठले पनि सम्बोधन गर्ने भएका हुन् ।
मोर्चाको संयोजकमा नेपाल कम्युनिस्ट पार्टीका तर्फबाट झापा जिल्ला इन्चार्ज प्रशान्त सी, सञ्जय सी र हुकुम सीले प्रतिनिधित्व गरेका छन् भने नेकपा माओवादी केन्द्रबाट सिपी कडरीया, पुरुषोत्तम चुडाल र मोहन टुडु रहेका छन् । नेकपा एकीकृत समाजवादीबाट देवराज रेग्मी, वीपी भट्टराई, पदम सुब्बा रहेका छन् भने जसपाबाट दिपेन राई, सनम राजवंशी, सन्तोष गणेश रहेका छन् ।