रातोपोस्ट संवाददाता
झापा, २८ असोज । झापाको मेचीनगरमा प्रहरीले अवैध काठ र ट्रयाक्टरसहित चालकलाई पक्राउ गरेको छ ।
शनिबार बिहान ११ बजेको समयमा मेचीनगर नगरपालिका वडा- ७ जोरसिमलस्थित पूर्व पश्चिम राजमार्गमा ईलाका प्रहरी कार्यालय काँकरभिट्टाबाट खटिएको टोलीले पूर्वबाट पश्चिमतर्फ जाँदैं गरेको प्रदेश १ –०१–००१ त ८९४७ नम्बरको ट्रयाक्टरलाई चेकजाँच गर्दा अवैध रुपमा लोड भएको चिलाउने जातको गोलिया काठ १४० थान (अन्दाजी २१० क्युफिट) बरामद भएको थियो ।
सो काठसहितको ट्रयाक्टर चालक मेचीनगर नगरपालिका वडा- ३ बस्ने २८ वर्षिय डिकविर प्रधानलाई नियन्त्रणमा लिई आवश्यक कार्वाहीको लागि डिभिजन बन कार्यालय चन्द्रगढीमा बुझाइएको जिल्ला प्रहरी कार्यालयले जनाएको छ ।