झापा, १६ कार्तिक । झापाकाे मेचीनगर खेलकुद विकास समितिले यहि कार्तिक २० गते साेमबार काँकरभिट्टामा नगर स्थरीय फुटवल खेलाडीको छनोट गर्ने भएको छ । समितिले कार्तिक २० गते साेमबार काँकरभिट्टा खेल मैदानमा नगर स्थरीय फुटवल खेलाडीको छनोट गर्ने भएको हाे ।
मंसिर ७ गतेदेखि भद्रपुरमा हुने झापा जिल्ला अन्तरगर्त पालिका लिग नकआउट प्रतियोगिताका लागि मेचीनगरमा नगर स्थरीय फुटवल खेलाडी छनाैट गर्न लागेकाे मेचीनगरका खेल संयाेजक मानबहादुर तामाङले बताए ।
छनाैटमा सहभागि हुने खेलाडी नगरबासी हुनु पर्ने, नेपालकाे ए डिभिजन क्लवबाट खेलिरहेका खेलाडी बाहेकका खेलाडीले भाग लिन पाउने, छनाैटमा परेका खेलाडीहरुलाई नगरमा रहेका प्रशिक्षक सचिन्द्र धिमाल, मीन बहादुर बस्नेत र सन्ताेष बस्नेतले प्रशिक्षण दिने छन् । छनाैटमा परेका खेलाडीहरुलाई भत्ता र खाजाकाे समेत व्यवस्था रहेकाे खेल संयाेजक तामाङले जानकारी दिएका छन ।