रातोपोस्ट संवाददाता
झापा, २ मंसिर । झापामा आजदेखि राष्ट्रिय स्वतन्त्र पार्टी (रास्वपा)का सांसदले घरदैलो कार्यक्रम गर्ने भएको छ ।
निर्वाचन भएको एक वर्ष पुगेको अवसरमा आजदेखि तीन दिने घरदैलो कार्यक्रम गर्न लागेको रास्वपा झापाका संयाेजक उमेश खरेलले बताए ।
कार्यक्रममा झापाका ५ वटै निर्वाचन क्षेत्रमा आज एकै साथ जनताका सुझाव र गुनासा सुन्ने उनले बताए । झापाकाे ५ वटै निर्वाचन क्षेत्रमा सांसद निसा डाँगी र पार्टिका केन्द्रीय सदस्य रमेश प्रसाईं सहभागी रहने छन् । आज झापाकाे क्षेत्र नम्बर ३ काे भद्रपुर, केचना, हल्दिबारीमा कार्यक्रम रहेकाे बताइएकाे छ ।