रातोपोस्ट संवाददाता
झापा, ६ मंसिर । झापाको बिर्तामोडबाट दुई बालिका हराएका छन् । बिर्तामोड नगरपालिका–५ लालीगुराँस टोल बस्ने दुई बालिका बुधबार दिउँसो १२ बजेदेखि हराइरहेको इलाका प्रहरी कार्यालय बिर्तामोडले जनाएको छ ।
प्रहरीका अनुसार ७ वर्षीया हिमानी निरौला र ५ वर्षीया अवजना पौडेल एकसाथ हराएका हुन् । सम्पर्कविहीन बालिकाको खोजीका लागि परिवारजनले अपिल गरेका छन् । दिउँसो ४ बजे परिवारजनले बालिका हराएको सूचना प्रहरीलाई दिएका थिए । आफन्तको घरमा समेत गएको नभेटिएकाले प्रहरीले पनि सार्वजनिक सूचनामार्फत उनीहरूको खोजीमा सघाउन सबैमा आग्रह गरेको छ ।