झापा, ९ मंसिर । राप्रपाले झापामा आज शक्ति प्रदर्शन गर्ने भएको छ । आज दिउँसो १ बजे मेचीनगरमा रहेकाे होटल मेची क्राउनबाट बिर्तामोडसम्म मोटरसाईकल र्याली गरेर राप्रपाले शक्रि प्रदर्शन गर्न लागेकाे हाे । र्यालीमा कम्तिमा ७ हजार मोटरसाइकल उतार्ने दावी गरिएको छ । यो मोटरसाइकल र्याली १२ किलोमिटर यात्रा गर्दै बिर्तामोड पुग्नेछ । पूर्वराजा भाटभटेनी अगाडि गाडीबाट ओर्लिनेछन् । त्यहाँबाट उनले करिब ४५ मिनेट पैदल हिँड्ने कार्यक्रम बनाइएको छ । बिर्तामोडमा ५० हजारको जनप्रदर्शनसहित पूर्वराजाको स्वागत गर्ने तयारी गरेकाे राप्रपाले गरेको छ । पूर्वराजा नागरिकहरुको स्वागत अभिनन्दन ग्रहण गर्दै इकम क्याम्पसमा पुग्ने छन् । त्यहाँ रहेको बडामहाराजधिराज पृथ्वीनारायण शाहको शालिक पूर्वराजाले अनावरण गर्ने कार्यक्रम रहेकाे राप्रपा झापाका अध्यक्ष केशव ओझाले जानकारी दिए ।
झापाको बिर्तामोडस्थीत इकम कलेजमा स्थापना गरिएको पृथ्वी नारायण शाहको शालिक अनावरण गर्न पुर्वा राजा ज्ञानेन्द्र हिजो बेलुका झापा आएका थिए । मेचीनगरको पाँचतारे होटल मेची क्राउनमा बस्नु भएका पुर्वराजा ज्ञानेन्द्रलाई स्वागत सहित मोटरसाईकल र्यालीले स्कटिगं गरेर बिर्तामोड पुर्याउने कार्यक्रम रहेको ओझाले बताए । शालिक अनावरण पछि आजै शाह दमकस्थित आफ्नो निवासमा जाने छन् । आइतबार पुर्व राजा काठमाडौँ फर्कने जानकारी आएको झापाका प्रमुख जिल्ला अधिकारी शिवराम पोखरेलले जानकारी दिए ।