झापा, २१ पुस । सवारी दुर्घटनामा झापाकाे चारपाने चोकमा एक जनाकाे मृत्यु भएको छ । कनकाई ८ का ४४ वर्षीय तोयानाथ उप्रेतीकाे मृत्यु भएको हाे । आज सांझ ६ः३० बजे मोटरसाइकल र बस एक आपसमा ठक्कर खादाँ उप्रेतीको मृत्यु भएको हो । दुर्घटनामा घाइते भएका उप्रेतीको उपचारका लागि बिर्तासिटी अस्पताल लगिएको थियो । उनलाई अस्पतालमा चिकित्सकले मृत घोषणा गरेका छन् ।
उप्रेतीले चलाएको मे १ प ७२४८ नम्बरको मोटरसाइकलले बसलाई ओभर टेक गर्ने क्रममा दुर्घटना भएको जनाइएको छ । मोटरसाइकलमा ३ जना सवार रहेका थिए । मोटरसाइकलमा सवार अन्य २ जना गम्भीर घाइते भएको जनाइएको छ । उनीहरुको उपचार भइरहेको जिल्ला ट्राफिक प्रहरी कार्यालय झापाका प्रहरी निरीक्षक नबराज न्यौपानेले जानकारी दिए ।
दुर्घटनामा परी कन्काई ५ का बर्ष ५९ का रबिरत्न सिटौला र बाह्रदशी ७ का सागर माझी घाइते भएका हुन् ।उनीहरु मोटरसाइकलमा पूर्वबाट पश्चिमतिर जांदै थिए । दुर्घटनाको बिषयमा थप अनुसन्धान भइरहेको जिल्ला ट्राफिक प्रहरी कार्यालय झापाले जनाएको छ ।