झापा, २६ माघ । झापाको मेचीनगर १५ मा रहेको ज्यामिरगढी माध्यमिक बिद्यालयले बिभिन्न कार्यक्रम गरि आफ्नो ६१ औँ बार्षिक उत्सव मनाएको छ । मेचीनगर नगरपालिका प्रमुख गोपालचन्द्र बुढाथोकीको प्रमुख आतित्यथता तथा उपप्रमुख मिना पोखरेल उप्रेतीको विशिष्ट आतिथ्यतामा सम्पन्न कार्यक्रमका विच विद्यालयले पुर्व विद्यार्थी रामबहादुर दाहाल (जयराम )लाई सम्मान गरेको छ ।
सगरमाथाको ८ हजार १ सय मिटरको उचाई सफलतापूर्वक आरोहण गरेका दाहाललाई सम्मान पत्र सहित सम्मान गरिएको हो । सम्मान पत्र उनकी दिदी रिता दाहालले ग्रहण गरेकी थिइन् । कार्यक्रममा विद्यालयका संस्थापक अध्यक्ष भिम खवास, नेपाल शिक्षक संघ कोशी प्रदेशका अध्यक्ष तेज प्रसाद चम्लागाँइ, नेपाल शिक्षक संघ झापा अध्यक्ष तोयानाथ दाहाल, नेपाल राष्ट्रिय शिक्षक संगठन झापाका अध्यक्ष द्रोण श्रेष्ठलगायतको उपस्थिती रहेको थियो ।
विद्यालय व्यवस्थापन समितीका अध्यक्ष मन्जु बस्नेतको सभापतित्वमा भएको कार्यक्रममा विभिन्न सांस्कृतिक कार्यक्रम तथा प्रतियोगिताहरु सम्पन्न गरिएको छ । कार्यक्रमको सञ्चालन शिक्षक सिता कार्कीले गरेकी थिइन् ।