रातोपोस्ट संवाददाता
सिरहा,२७ असाेज। पाँच वर्षीया बालिकालाई जबर्जस्ती करणी प्रयासको आरोपमा एक युवक पक्राउ परेका छन् । पक्राउ पर्नेमा सिरहाको विष्णुपुर गाउँपालिका–५ लक्ष्मीपुरका २३ वर्षीय शत्रुधन यादव रहेको प्रहरीले जनाएको छ । यादवले स्थानीय पाँच वर्षीया नाबालिकालाई आँपको बगैँचामा लगेर जबर्जस्ती करणी गर्न खोज्दा निज बालिकाले धकेली भागेको प्रहरीले जनाएको छ ।
पीडित नाबालिकाका परिवारजनले दिएको जाहेरीका आधारमा जिल्ला प्रहरी कार्यालय सिरहाबाट खटिएको प्रहरी टोलीले यादवलाई पक्राउ गरेको र घटनाबारे थप अनुसन्धान भइरहेको प्रहरीले जनाएको छ ।