मेचीनगर, २३ जेठ । चारआली जेसिजले हालै सम्पन्न स्थानीय तहको निर्वाचनमा निर्वाचित जनप्रतिनिधिहरूलाई सम्मान गरेको छ ।

जेसिले चारआली जेसिज क्षेत्रभरिका नवनिर्वाचित जनप्रतिनिधिहरुलाई सोमबार वडा कार्यालयमै पुगेर सम्मान गरेको हो ।चारआली जेसिजका अध्यक्ष विरबहादुर बेघा ‘विरु’को नेतृत्वमा गएको टोलीले मेचीनगर नगरपालिका वडा नं.११, १३ र १४ का नवनिर्वाचित वडाध्यक्ष र सदस्यहरुलाई सम्मान गरेको चारआली जेसिजका महासचिव सुजुप सुवेदीले जानकारी दिए ।

सो अवसरमा चारआली जेसिजका उपाध्यक्ष नेत्रप्रसाद मिश्र, तालिम निर्देशक भूपेन्द्र प्याकुरेल, जेसिजका पदाधिकारी लगायतको उपस्थिति रहेको थियो ।उक्त सम्मान कार्यक्रमको सञ्चालन महासचिव सुजुप सुवेदीले गरेका थिए ।