झापा, २२ असार । झापाको अर्जुनधारा ४ स्थित दहीझोडामा आज बिहान एउटा हात्ती मृत फेला परेको छ । सुखानी सहीदमार्गदेखि केही तल दहीझोडा खोला किनारको खेतमा वयस्क हात्ती मृत फेला परेको हो ।

मृत्युको कारण खुलिसकेको छैन । घटनास्थलमा वन डिभिजन कार्यालय झापा र शनिश्चरे प्रहरी चौकीका इन्चार्जहरु पुगिसकेका छन् । मृत हात्तीको शरीरमा कुने पनि चोटपटक नदेखिएको, फुड पोइजनकै कारण मृत्यु भएको हुनसक्ने अनुमान वन कर्मचारीको रहेको प्रहरी नायव उपरीक्षक रवि राईले बताए ।

यसअघि झापाको बुद्धशान्ति गाउँपालिका ५ आयाबारीमा पनि १० दिनअघि एउटा हात्ती मृत भेटिएको थियो । श्रृंखलाबद्ध रुपमा हात्ती मारिने क्रम बढेको छ ।