झापा, २ कार्तिक । नेकपा एमालेका अध्यक्ष केपी शर्मा ओलीले आज धुलाबारीमा सम्बोधन गर्ने भएका छन् ।एमालेका अध्यक्ष एवम् पूर्व प्रधानमन्त्री ओली बुधबार मेचीनगर–१०, धुलाबारी स्थित पासाङ ल्याहमु स्मृति प्रतिष्ठान (टाउन हल) मा कार्यकर्ता भेलालाई सम्बोधन गर्ने भएका हुन् ।

आज विहान ११ वजे कार्यकर्तासँग भेटघाट गर्न एमालेका अध्यक्ष ओली मेचीनगर आउने हुनु भएको स्थायी कमिटी सदस्य एवम झापा इन्चार्ज अग्नी खरेलले जानकारी दिए । नेता खरेल झापा–१ का प्रतिनिधि सभा सदस्यका उम्मेद्वार हुन् ।

अध्यक्ष ओली झापा–५ का प्रतिनिधि सभा सदस्यका उम्मेद्वार पनि हुन् । ओली मंगलबार चुनावी प्रचार अभियान र कार्यकर्ता भेटघाटका लागि झापा आएका थिए । ओली विहीबार फेरि काठमाडौँ फर्किने कार्यक्रम रहेको नेता खरेलले बताए ।