मेचीनगर, २८ साउन । हात्ती दिवसकाे अवसरमा झापाकाे मेचीनगर-४ स्थित बाहुनडाँगीमा विभिन्न कार्यक्रम आयाेजना गरि सम्पन्र भएकाे छ । शनिबार मेचीनगर-४ स्थित बाहुनडाँगीमा विभिन्न कार्यक्रम गरि सम्पन्र भएकाे हाे ।
विश्व हात्ती दिवसका अवसरमा मेचिनगर ४ वडा कार्यालय परिसदमा वृक्षाराेपरण, प्रशिक्षण तथा अन्तक्रिया कार्यक्रम गरि मनाइएकाे थियाे । कार्यक्रममा हात्ती सम्वन्धि बृत्तचित्र पनि प्रदर्शन गरिएकाे थियाे । कार्यक्रममा प्रमुख अतिथि कोशी प्रदेश सभा सदस्य गोपाल तामाङले वडा परिसदमा विरुवा राेपेर कार्यक्रमकाे उद्घाटन गरेका थिए ।
कार्यक्रममा सहभागीहरुलाई हात्तीको आनीबानी, महत्त्व र सहअस्तित्व सम्बन्धी बृत्तचित्रद्वारा जानकारी गराइएको थियाे । कार्यक्रममा प्रदेश सभा सदस्य तामाङ, मेचीनगर -५ का वडाध्यक्ष कनक कार्की, नागरिक समाज अध्यक्ष निलकण्ठ तिवारी, पूर्व मेचीनगर- ४ का वडाध्यक्ष नविन बराल, डिल्लिराम घिमिरे लगायतको आतिथ्यता रहेको थियो ।
वडा कार्यालय हलमा आयोजित कार्यक्रममा विभिन्न संघसंस्थाका प्रतिनिधि, सामाजसेवी, विभिन्न टोलका प्रतिनिधि, पत्रकारलगायतको सहभागिता रहेको थियो । मेचीनगर ४ का वडाध्यक्ष अर्जुन कार्कीको अध्यक्षतामा आयोजना गरिएको कार्यक्रममा स्वागत आर आर टीका अध्यक्ष न्यूटन कार्की र सञ्चालन वडासचिव युवराज पोख्रेलले गरेका थिए ।
