रातोपोस्ट संवाददाता
काठमाडौं, १ बैशाख । उपप्रधान तथा गृहमन्त्री रवि लामिछानेले सडकमा खटिएका प्रहरीसँग शुभकामना साटेर नयाँ वर्षको सुरुवात गरेका छन् ।
आज बिहान काठमाडौंको थापाथली चोक पुगेर गृहमन्त्री लामिछानेले प्रहरीहरुसँग शुभकामना साटेर नयाँ वर्षको सुरुवात गरेका हुन् । उनले सडकमा खटिएका ट्राफिक प्रहरीलाई शुभकामना दिए ।
उनले सडकमा भेटिएका ज्येष्ठ नागरिक, सवारीचालक र यात्रुलाई नयाँ वर्षकाे शुभकामना दिँदै लड्डु बाढेका थिए ।उनीसँगै नेपाल प्रहरीका आईजीपी बसन्त कुँवर, काठमाडाैं प्रहरी परिसरका प्रमुख भुपेन्द्र खत्रीलगायत उच्च अधिकृतहरु थिए ।
उनले नियम उल्लंघनगरेर सवारी चलाएका सवारीचालकहरुसँग सडकै नयाँ वर्ष मनाएका हुन् । उनले प्रहरीलाई कर्तव्य पालनामा कुनै कमी नगर्न अनुरोध समेत गरे ।