झापा, ६ असार । दमकको रतुवा खोलाले बगाएर एक जनाको मृत्यु भएको छ । आज बिहान ८ बजेको समयमा दमक नगरपालिका वडा-७ स्थित रतुवा पुल छेउमा नाम नखुलेको अन्दाजी बर्ष ५०/५५ का व्यक्तिको शव फेला परेको हो ।

गोरो वर्ण, उचाई अन्दाजी ५ फिट ६ ईन्च, दाह्री कपाल फुलेको, कालो जिन्स कम्ब्याट ( पाटे ) भेष्ट लगाएको पुरुषलाई रतुवा खोलाले बगाई ल्याईरहेको अवस्थामा स्थानीयले देखेर तत्काल खोलाबाट बाहिर किनारमा निकाली हेर्दा मृत्यु भइसकेको प्रहरी जानकारी दिएकाे छ ।

इलाका प्रहरी कार्यालय दमकमा खवर प्राप्त हुनासाथ अनुसन्धान तथा कानुनी प्रकृयाको लागि अनुसन्धान कार्य भइरहेकाे जिल्ला प्रहरी कार्यालय झापाले जनाएको छ ।