रातोपोस्ट संवाददाता
झापा, ७ असार । झापामा लागुऔषध भित्र्याउँदै गर्दा दुई भारतीय नागरिक पक्राउ परेका छन् । हिजो साँझ ७ः२० बजेको समयमा झापा गाउँपालिका-१ सालमारा झोलुङ्गे पुल बगानमा जाँचको क्रममा उनीहरु पक्राउ परेका हुन् ।
प्रहरीका अनुसार साइकलयात्री भारत किसनगंज कुतवाभिट्टा नयाँ टोल बस्ने ४० वर्षीय जुलमात हुसेन र पछाडि बसेका सोही ठाउँका २० वर्षीय तोसिफ आमललाई जाँच गर्ने क्रममा प्लाष्टिकसहित २० ग्राम ५५० मिलिग्राम ब्राउनसुगर भेटिएको थियो ।
दुई जनालाई नियन्त्रणमा लिई सो सम्बन्धमा थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।