News Portal

  • कोरोना भाइरसकाे असर होलीमा लाइभ कन्सर्टसहित भीडभाड गर्न नदिने

    रातोपोस्ट संवाददाता
    ४११ पटक

    झापा : कोरोना भाइरस (कोभिड १९) सङ्क्रमण फैलिने त्रासलाई लक्षित गरी जिल्ला प्रशासन कार्यालय झापा र प्रहरी कार्यालय झापाले होलीका दिन उच्च सुरक्षा सतर्कता अपनाउँदै लाइभ कन्सर्टसहित भीडभाड गर्न नदिने आव्हान गरेको छ।

    होलीका दिन जिल्लामा विभिन्न स्थानीय तहका सडक तथा होटलहरूमा लाइभ कन्सर्टसहित एक ठाउँमा जम्मा भएर होली मनाउने परम्परागत चलन छ।

    सोही कुरालाई मध्यनजर गरी यसवर्ष कोरोना भाइरसको कारण जिल्लामा यस्तो सुरक्षा सतर्कता लागू गरिएको प्रहरी कार्यालय झापाका प्रहरी नायव उपरीक्षक तथा प्रवक्ता महेन्द्रकुमार श्रेष्ठले जानकारी दिए।

    ‘एक ठाउँमा जम्मा वा भीडभाड गरेर होली मनाउँदा कोरोना सर्ने जोखिम छ,’ प्रहरी नायव उपरीक्षक श्रेष्ठले भने, ‘त्यसैले होली मनाउँदा झापावासीले आफैँ विचार पुर्‍याएर मनाउन आग्रह गर्दछु।’

    यसअघि प्रशासन कार्यालय झापाले होली पर्वलाई लक्षित गरी पानीमा नभिज्न, अबिर र लोला हान्ने कार्य नगर्न र एकै ठाउँ भीड नगर्न सूचना प्रकाशन गर्दै अनुरोध गरिसकेको छ।

    यता जिल्लामा होलीका दिन हुने उच्छृङ्खल गतिविधि रोक्न व्यापक प्रहरी परिचालन गरिने प्रहरी नायव उपरीक्षक श्रेष्ठले बताए।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)