News Portal

  • कोरोना भाइरस जाँच्ने र उपचार गर्ने सामग्री लिन नेपाल एयरलाइन्सको जहाज चीन जाँदै

    रातोपोस्ट संवाददाता
    ३०८ पटक

    काठमाडौं। चीले दिने कोभिड–१९ परिक्षण तथा उपचारका स्वास्थ्य सामग्री लिन आज नेपाल सरकारले नेपाल एयरलाइन्सको जहाज चीन पठाउने भएको छ ।

    आज दिउँसो २ बजे नेपाल एयरलाइन्सको वाइडबडी जहाज चीन जाने तय भएको उच्चस्तरीय समन्वय समितिले जनाएको छ ।

    सो जहाजले कोरोनाको संक्रमण जाँच्ने किट र स्वास्थ्यकर्मीहरुका लागि आवश्यक व्यक्ति सुरक्षा सामग्री (पीपीई) ल्याउने छ ।

    ती सामानहरु चीनले गोञ्जाओमा तयार गरेर राखिदिएकोले नेपाल एयरलाइन्सको जहाजले त्यहाँबाट स्वास्थ्य सामग्री ल्याउने छ।

    चीनले कोरोनाभाइरसबाट बच्ने, परिक्षण गर्ने र उपचार गर्ने सामग्री सहयोग गर्ने बताएपछि नेपाल सरकारले आवस्यक पर्ने सामाने सूची बनाएर पठाएको थियो ।

    आजै साँझ काठमाडौं आइपुग्ने स्वास्थ्य उपकरण आइतबार बिहानै नेपाली सेनाको हेलिकप्टरमार्फत् प्रदेश प्रदेशमा पठइने छ ।

    स्वास्थ्यमन्त्री भानुभक्त ढकालका अनुसार पहिले चीनले नै कार्गो पठाउने भनिए पनि अब नेपालबाटै सामाग्री लिन विमान चीन जान लागेको हो ।

    प्रतिकृया दिनुहोस्

    Our Team

    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)