रातोपोस्ट संवाददाता
काठमाडौं । कोरोना भाइरसका संक्रमण निको हुनेको संख्या ८७ पुगेको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले कोरोना निको हुनेको संख्या ८७ पुुगेको बताए ।
उनका अनुसार पर्साको नारायणी अस्पतालबाट कोरोना संक्रमण देखिएका उपचारर सातजना डिस्चार्ज भएका छन् । जसमा बारा, पर्सा र रौतहतका कोरोना संक्रमण देखिएका निको भएका हुन् ।
त्यसैगरी बुटवलका धागो कारखानामा रहेका १० संक्रमित निको भएको मन्त्रालयले जनाएको छ । प्रवक्ता देवकोटाले भने, “आज थप १७ जनाले कोरोना संक्रमण जितेर घर गएका छन् ।”
हालसम्म कोरोना संक्रमण देखिनेको संख्या ६०३ पुगेको छ । नेपालमा कोरोना भाइरसबाट तीनजनाको मृत्यु भएको मन्त्रालयले जनाएको छ । आज देशैभरका विभिन्न अस्पतालमा ५ सय १३ जना उपचाररत छन् ।