झापा, २८ जेठ । झापाको मेचीनगरमा जारी प्रथम केएफटिसी सिटी लिग यु–१४ फुटबल प्रतियोगिताको उपाधि ह्याप्पी क्लबले जितेको छ । काँकरभिट्टा माविको खेल मैदानमा आज सम्पन्न फाइनल खेलमा संगम फुटबल क्लबलाई १–० गोल अन्तरले पराजित गर्दै ह्याप्पीले उपाधि चुमेको हो । उपाधिसंगै ह्याप्पीले नगद ५० हजारसहित ट्रफि प्राप्त गर्यो ।
उपविजेत बनेको संगमले ३० हजारसहित ट्रफिमा चित्त बुझायो । अत्यन्तै रोमाञ्चक बनेको फाइनल खेलमा ह्याप्पीका देवशिस श्रेष्ठले खेलको ४२ औं मिनेटमा गरेको गोल नै जितको लागि काफि भयो ।
खेलमा उत्कृष्ट प्रदर्शनी गर्दै एक गोल गर्न सफल ह्याप्पीका देवशिस श्रेष्ठ म्यान अफ द म्याच घोषित ।
त्यस्तै उदयमान खेलाडीको रुपमा ह्याप्पीकै युगल श्रेष्ठ घोषित भए । उनीहरूले नगदसहित गिफ्ट हेम्पर प्राप्त गरे ।
जेठ १४ गतेदेखि सञ्चालन भएको प्रतियोगिताको उदयमान खेलाडीको रुपमा संगम फुटबल क्लबका प्रनिश उप्रेती घोषित भए ।
संगमकै विवेश खत्री उत्कृष्ट गोल किपर घोषित हुँदा रिकेश घिमिरे उत्कृष्ट डिफेन्स घोषित भए । उनीहरुले ३ हजार एक सय प्राप्त गरे ।
ह्याप्पीका देवशिस श्रेष्ठ उत्कृष्ट फरर्वाड घोषित हुँदा क्लासिक वारियर्सका प्रनिश राई उत्कृष्ट मिडफिल्डर घोषित भए । उनीहरुले समान ३ हजार एक सय प्राप्त गरे ।
त्यस्तै ह्याप्पीका राज दर्जी उत्कृष्ट खेलाडी घोषिद भई ५ हजार एक सय प्राप्त गर्दा ह्याप्पीकै आदित्य ढुङ्गेल सर्वाधिक गोलकर्ता बने । उनले ४ हजार एक सय प्राप्त गरे । यता उत्कृष्ट मार्की खेलाडी घोषित हुँदै क्लासिकका सुजन बेस्राले एक थान ग्यारवाला साईकल प्राप्त गरे ।
त्यस्तै उत्कृष्ट प्रशिक्षकको रुपमा विजेता टिमका दिपक कार्की घोषित भए उनले ३ हजार एक सय प्राप्त गरे ।
समापन समारोहका प्रमुख अतिथि मेचीनगर नगरपालिकाका प्रमुख गोपालचन्द्र बुढाथोकी, विशिष्ठ अतिथि उपप्रमुख मीना पोखरेल उप्रेती, मेचीनगर- ६ का वडाध्यक्ष ललितबहादुर तामाङलगायतले शुभकामना मन्तव्य राखेका थिए ।
कार्यक्रममा बोल्दै अतिथिहरुले स्वास्थ्यका लागि खेलकुद अपरिहार्य रहेको बताउँदै सबैले स्वास्थ्य रहन विभिन्न खेल खेल्नुपर्ने बताए । साथै उनीहरुले नेपाललाई विश्वसामु चिनाउने माध्यम पनि खेल भएकाले सबैले खेल र खेलाडीलाई साथ सहयोग र सम्मान गर्नुपर्ने बताए ।
आयोजक काँकरभिट्टा फुटबल ट्रेनिङ सेन्टरका अध्यक्ष मीन बहादुर बस्नेतको सभापतित्वमा सम्पन्न समापन समारोहमा स्वागत क्लबका उपाध्यक्ष नवराज ओली र कार्यक्रम सञ्चालन सञ्चारकर्मी भूमिका सुब्बा र क्लबका सल्लाहकार शेरबहादुर बस्नेत (सुन्दर)ले गरेका थिए ।