झापा, १७ पुस । झापाकाे मेचीनगर- २ वडा कार्यालयले आफ्नो वडामा रहेका कृषि क्षेत्रमा आत्मानिर्भर सहित कृषकहरुलाई प्रोत्साहन गर्ने उदेश्यले दुई दिने कृषि अवलोकन भ्रमण सम्पन्न गरेको छ ।

वडा कार्यालयको कृषि क्षेत्रमा रहेको बजेट मार्फत कृषकलाई अवलाेकन भ्रमण गरिएको हो । भ्रमणका लागि वडा कार्यालयले १ लाख ५० हजार बिनियोजन गरेको थियो । वडा अध्यक्ष दिपक बरालको नेतृत्वमा वडाका २९ जना कृषकहरुको सहभागिता रहेको भ्रमणमा कृषि तथा अनुसन्धान केन्द्र बाख्रीबास धरान, सोताङ्ग कृषि फर्म र तरहरा मत्स्य तथा भैसी फर्म, मुलघाटको उखु विकास केन्द्रको अवलोकन गरिएको थियो भने बाटामा रहेका विभिन्न कृषि क्षेत्रका सामाग्रीहरुको प्रत्यक्ष अवलोकन गरिएको वडा अध्यक्ष बरालले जानकारी दिएका छन् ।