झापा, जेठ ८ । झापाको बुद्धशान्ति गाउँपालिका वडा- ३ शितलचोकमा एक जना किसानको खेतमा आज बिहान एक किशोर अवस्थाको हात्ती मृत फेला परेको छ । साबिक बुधबारे- ८ शितलचोकका एक जना किसानको खेतमा बिहान हात्ती मृत फेला परेको हो ।

करिव २५ वर्षको पोथी हात्तीको विद्युतीय करेन्टका कारण मृत्यु भएको हुनसक्ने आशंका गरिएको छ । हात्तीको मृत्युबारे अनुसन्धान गर्न कोशी टप्पुबाट टोली बोलाइएको डिभिजन वन कार्यालयका अधिकृत जीवन पाठकले बताए ।

योसहित यस वर्षमात्र झापामा विद्युतीय करेन्टका कारण दुईवटा हात्तीको मृत्यु भइसकेको छ । गत वर्ष तीनवटा हात्ती त्यसरी मारिएका थिए ।