रातोपोस्ट संवाददाता
मेचीनगर, २४ जेठ । मेचीनगरमा अत्यधिक गर्मीका कारण एक हप्तादेखि बन्द भएका विद्यालयहरू विहीबार (भाेलि) विहानबाट सञ्चालन हुने भएका छन् ।
मेचीनगर नगरपालिकाकाे शिक्षा शाखाले आज सूचना जारी गरेर मौसम परिवर्तन नभएसम्म बिहानी कक्षा सञ्चालन गर्न अनुमति दिएको हो ।
मेचीनगरका सामुदायिक विद्यालयका प्रधानाध्यापक, प्याब्सन तथा एनप्याब्सनका प्रमुखहरूको रायसुझावका आधारमा बिहान ६ बजेदेखि १० बजेसम्म कक्षा सञ्चालन गर्न अनुरोध गरेको शिक्षा शाखा प्रमुख हाेमनाथ भण्डारीले जानकारी दिए । झापामा अत्यधिक गर्मीका कारण अधिकांश विद्यालयहरु एक हप्तादेखि बन्द अवस्थामा छन् ।
