झापा, १६ साउन । मेचीनगर नगरपालिकालाई तीन बुँदे माग सहित अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले ध्यानाकर्षण पत्र बुझाएको छ । अनेरास्ववियु झापाको जिल्लाका १५ वटै पालिकालाई ध्यानाकर्षण गराउने कार्यक्रम अन्तरगत आज मेचीनगरलाई ध्यानाकर्षण पत्र बुझाएको हो ।

अनेरास्ववियुको केन्द्रीय सदस्य तथा झापा जिल्ला इन्चार्ज रोशन लामाको नेतृत्वमा विद्यार्थीहरुले मेचिनगर नगरपालिकाका प्रमुख गोपालचन्द्र बुढाथोकीलाई ध्यानाकर्षण गराएका हुन् । संविधानले विद्यार्थीहरूलाई प्रदान गरेको माविसम्मको निःशुल्क शिक्षाको हक अधिकार उपलब्ध गराउँदै शैक्षिक क्षेत्रको विसंगति विरुद्ध अनेरास्ववियु झापाले अभियान सञ्चालन गरेको हो । अनेरास्ववियुले आफ्नो तीन बुँदे माग सहित ध्यानाकर्षण पत्र बुझाएको हो ।