धुलाबारी, ३१ साउन । झापाकाे धुलाबारीका व्यवसायी राजकुमार शाहले आम्दा मेची अस्पताललाई स्वास्थ्य सामाग्री वितरण गरेका छन् । आज व्यवसायी शाहले उनकी धर्म पत्नी स्व. विनादेवीकाे स्मृतिमा उक्त अस्पताललाई ६५ हजार बराबरकाे स्वास्थ्य सामाग्री वितरण गरेका हुन् ।
उक्त सामाग्री एक कार्यक्रमकावीच आम्दा मेची अस्पताल समितिका उपाध्यक्ष एवम् मेची उद्योग वाणिज्य संघका अध्यक्ष खेमराज प्रसाईं र आम्दा मेची अस्पतालका इन्चार्ज डाक्टर पाेषणरमण त्रिपाठीलाई संयुक्तरूपमा हस्तान्तरण गरेका थिए ।
हस्तान्तरण गरिएका सामाग्रीहरू हाइड्रोलिक बेड, ह्विल चियर, सक्सन मेसिन र एयर बेड रहेको छ । कार्यक्रममा स्व. शाहका छाेराहरु डाक्टर दिपक शाह, अरुण शाह, विजय शाह, मेची उद्योग वाणिज्य संघका उपाध्यक्ष भुमी पाैडेल, कार्यकारी निर्देशक गाेपाल बस्नेत, आम्दा मेची अस्पतालका प्रशासन प्रमुख किरण निराैला लगायत स्थानीयरुकाे उपस्थिति रहेकाे थियो ।