News Portal

एसबी निकेतनमा ५१ वटा इभेन्ट प्रस्तुत

रातोपोस्ट संवाददाता
५०५ पटक

झापा। मेचीनगर–१ स्थित एसबी निकेतन अंग्रेजी विद्यालयले शुक्रबार बृहत खेलकुद कार्यक्रम सम्पन्न गरेको छ ।

सो विद्यालयको खेल मैदानमा आयोजित कार्यक्रमको उद्घाटन मेचीनगर वडा नम्बर १ का अध्यक्ष पासाङ तामाङले गरेका थिए ।

कार्यक्रम उद्घाटनका क्रममा प्रमुख अतिथि तामाङले विद्यार्थीका अन्र्तनिहीत खेल प्रतिभा प्रस्फुटन गराउन खेलकुद कार्यक्रमले सघाउ पुर्याउने बताए ।

सो अवसरमा मेचीनगर १ नम्बर वडा खेलकुद समिति संयोजक रामकुमार राई, सञ्चारकर्मी दीपक बराललगायतले शुभकामना मन्तव्य राखेका थिए ।

त्यसक्रममा मेचीनगर १ नम्बर वडा सदस्य सीता विक, समाजसेवी हरिचरण चौंलागाईं, मेचीनगर मूल कृषक समूहका अध्यक्ष पूर्णबहादुर खड्का,

इनोभेटिभ युथ सोसाइटीका अध्यक्ष पूर्ण देवान, कृष्ण सुवेदी, किशोर दुलाललगायतको आतिथ्यता थियो ।

विभिन्न खेल विधाका प्रशिक्षकहरुको सहभागिता रहेको कार्यक्रममा विद्यार्थीहरुले विविध खेलका ५१ वटा इभेन्ट प्रस्तुत गरेका विद्यालयले जनाएको छ ।

विद्यालयका प्रिन्सिपल समेत रहेका खेलकुद कार्यक्रम संयोजक मञ्जिल श्रेष्ठले अध्ययनसँगै खेल क्षेत्रमा समेत अब्बल बनाउन विद्यार्थीलाई खेलकुदतर्फ आकर्षित गरिएको बताए ।

मार्चपास, ड्रिललगायत खेल सम्बन्धी कला कौशल प्रस्तुत गरेका विद्यार्थीहरुले अतिथि वर्ग एवं दर्शकका रुपमा सहभागी आफ्ना अभिभावकहरुलाई पिटि खेलमार्फत स्वागत गरेका थिए ।

विद्यालयका संस्थापक हिम्मत क्षेत्रीको अध्यक्षतामा भएको उक्त कार्यक्रममा स्वागत शिक्षक गौतम राई र सञ्चालन निर्देशक दिपेश खड्काले गरेका थिए ।

प्रतिकृया दिनुहोस्