रातोपोस्ट संवाददाता
रोम । इटालीको एक जेलमा भएको दंगामा ६ जनाको मृत्यु भएको छ ।
कोरोना भाइरस नियन्त्रणका लागि प्रतिबन्ध लगाइएको अवस्थामा एक जेलमा दंगा मच्चिएको हो ।
अधिकारीहरुका अनुसार इटालीको उत्तरी सहर मोडेनाको एक जेलमा कैदीहरुले आगजनी गरेका छन् ।
आफन्तसँग भेटघाट गर्न नपाउने भनेपछि उनीहरुले आगजनी गरेको बताइएको छ ।
बीबीसीका अनुसार मृत्यु हुनेमध्ये दुईजनालाई अत्यधिक लागुऔषध सेवनका कारण मृत्यु भएको हुनसक्ने बताइएको छ ।
उक्त दंगा आइतबार सुरु भएको थियो । आफन्त र साथीभाइसँगको भेटघाटमा प्रतिबन्ध लगाएपछि त्यहाँबाट भाग्नका लागि उनीहरुले आगजनी गरेको बताइएको छ ।
जेलरहरुले पाँच सयजनालाई कैदीहरुलाई भाग्नबाट रोक लगाइएको थियो । अधिकारीहरुले घटनाको अनुसन्धान गरिरहेको बताइएको छ । बीबीसी