News Portal

काेराेना भाइरस

रातोपोस्ट संवाददाता
१०१७ पटक

[भाइरस ]
***************
पहिला राणा भाइरस आयो
हामिले दृढतापुर्बक लडयौं। जित्यौं
त्यसपछि आयो पञ्च भाइरस
त्यो सँगपनी लड्यौं, जित्यौं
अन्तिम आयो राजा भाइरस
त्यो सँग पनि लडयौं ,जित्यौं
अहिले पुनः आएको छ संसदिय भाइरस
यो संगपनी लड्दै छौं
अबस्य जित्छौँ
र यो लडाइँ जित्दैनौं मात्र
सिकाउँछौ धोखेबाज इतिहासलाइ सबक पनि

ए साथी यतिबेला आयातित कोरोना भन्दा
लोकल कोरोना घातक छ देशको लागि

ठिकै छ साबुनले हात धोउला मिनेट मिनेटमा
सेनिटाइजर घसौला घण्टा-घण्टामा
हाछिउँ गर्दा रुमालले छोपौला मुख !
भिडभाडमा नि नजाउला
माक्स लगाउला …
जे – जे गर्न पर्छ , त्यही गरौला
र बचौला आयातित कोरोनासग
तर ए ! साथी मेरो देशको माटो खाने
उत्पीडितको आंटो खाने
लोकल कोरोना सँग कसरी बच्ने
केही सोचेका छौ?

लिपुको छातिमा रन्किएको छ
एक सय चार डिग्री  ज्वोरो
फुट्ला झैं गरि दुखिरहेछ सुस्ताको टाउको
मर्चरी र पशुपतिनगरहरु लगातार खोकिरहेछन
बर्सौँदेखी देश बिरामी छ
के देशको उपचार गर्नुपर्दैन?

हिमाल मुत्न सकिरहेको छैन
तराइ सुत्न सकिरहेको छैन
न रुन सकेको छ पहाड
न हास्न सकेका छन मेची र कालिहरु
देश बिरामि छ
के देशको उपचार गर्नुपर्दैन ?

कोभिड उन्नाईस भन्दा खतरानाक छ
मेरो देशको छातिमा लागेको कोरोना
कोरोना भन्दा नि जेठो छ मेरो देशको कोरोना
बर्सौँ देखि देश बिरामी छ
के देश बचाउनु पर्दैन?

बि पि बिद्रोही २०७६/१२/६

प्रतिकृया दिनुहोस्