विर्तामोड । झापामा थप १० जनामा कोरोना पुष्टि भएको छ ।

कचनकवल गाउँँपालिकाको क्वारेन्टाइनमा राखिएका व्याक्तिहरुमा संक्रमण देखिएको हो । आज विहान स्वास्थ्य मन्त्रालयले जारी गरेको प्रेस वि‌‌‌‌‌ज्ञप्ति अनुसार झापामा थप १० जनामा कोरोना पुष्टि भएको हो । यो सँगै झापामा कोरोना संक्रमितको संख्या २७ पुगेको छ ।

यस अघि सोही क्वारेन्टाइनमा रहेका १७ जनामा कोरोना संक्रमण पुष्टि भएको थियो । उनीहरु केही दिन अघिमात्र भारतबाट आएका थिए । योसंगै प्रदेश १ मा ७६ जनामा कोरोना भाइरसको संक्रमण पुष्टि भएको छ।