News Portal

पहिरोमा पुरिएर झापामा एक जनाको मृत्यु

रातोपोस्ट संवाददाता
४२० पटक

झापा, साउन ७ । झापाको बुद्धशान्ति -७ मोदी डाँडामा पहिरोले घर पुर्दा एक जनाको ज्यान गएको छ भने ३ जना सामान्य घाइते भएका छन् ।

गएराति करीव १०:३० बजेतिर बुद्धशान्ति -७ का तेजकुमार बराइलीको घर पहिरोले पुर्दा मामाघर पाउना आएका मेचीनगर -९ मागुरमाडीका १५ बर्षीय विवेक दर्नालको ज्यान गएको हो ।

उनी ७ दिन अगाडि मामा घरमा पाउना आएका थिए । शव पोस्टमाटमका लागि मेची अञ्चल अस्पताल भद्रपुर लगिएको जिल्ला प्रहरी कार्यालय झापाका प्रबक्ता प्रहरी नायव उपरीक्षक राकेश थापाले जानकारी दिए ।

पहिरोको कारण सोही ठाँउका थप दुई घर जाेखिम देखेपछि उनिहरूलाई स्थानीय चर्चमा सारिएको जिल्ला प्रहरी कार्यालय झापाका प्रबक्ता प्रहरी नायव उपरीक्षक राकेश थापाले बताए ।

प्रतिकृया दिनुहोस्