रातोपोस्ट संवाददाता
झापा, १४ मंसिर । पछिल्लाे २४ घण्टामा झापामा थप ४१ जनामा काेराेना भाइरस (काेभिड-१९ ) संक्रमण पुष्टि भएकाे छ।
संक्रमित हुनेहरूमा भद्रपुरका २ , दमकका ९ जना, विर्तामाेडका २ , गाैरादह १ , कनकाइ १ र हलदिबारीका २ जना रहेका छन्। त्यस्तै अर्जुनधाराका ७ जना , गाैरिगन्ज १ , कमलमा १ झापामा १४ , र पाचथर ठेगाना भएका १ जना सहित जम्मा ४१ जनामा संक्रमण पुष्टि भएकाे स्वास्थ्य कार्यालय झापाका निमित्त कार्यालय प्रमुख जिवन चौलागाईँले जानकारी दिएका छन्,।
आजसम्म झापामा ३३०८४ जनाकाे स्वाव परिक्षण गरिएकाे छ भने कुल संक्रमितकाे संख्या ३८१४ पुगेकाे छ। त्यस्तै आजसम्म काेराेना जित्नेहरूकाे संख्या २४९८ रहेकाे छ भने आइसाेलेसनमा रहेका सक्रिय संक्रमितकाे संख्या १२०८ रहेकाे र हालसम्म १०८ जनाकाे मृत्यु भएकाे छ।
