रातोपोस्ट संवाददाता
बिराटनगर,२३ मंसिर। मोरङ्गमा एक शिक्षकको अपहरणपछि गोली हानी हत्या भएकाे छ। प्रहरीका अनुसार जिल्लाकाे मिक्लाजुङ गाउँपालिका-१ बर्खेका ५४ वर्षीय शिक्षक राजेन्द्र श्रेष्ठको मंगलबार बिहान गोली हानी हत्या भएको हो।
मृतक शिक्षक स्थानीय सरस्वती आधारभूत स्कुलका प्रधानाध्यापक रहेकाे र उनलाई आज बिहान ‘अज्ञात समूह’ले अपहरण गरेर हत्या गरिएकाे खबर पाएपछि अहिले प्रहरी सहितकाे टाेली घटनास्थलतर्फ गएकाे मिक्लाजुङ गाउँपालिकाका अध्यक्ष देवीप्रसाद आचार्यका बताए। घटनाकाे थप विवरण आउन बाँकी छ।