रातोपोस्ट संवाददाता
झापा, ४ पुस । झापाको मेचीनगर नगरपालिका वडा नम्बर- ८ स्थित सेन्टरी युवा क्लबद्वारा आयोजित दुई दिने अर्गानिक कृषि तालिम सम्पन्न भएको छ ।
मेचीनगर- ८ वडा कार्यालयको आर्थिक सहयोगमा स्थानीय मेची विद्योदय आधारभूत विद्यालयमा शुक्रबारदेखि सुरू भएको अर्गानिक कृषि तालिम कार्यक्रम शनिबार सम्पन्न भएको छ । वडाका ५० बढी कृषक महिलाहरूको सहभागी रहेको तालिमको सहजकर्ता डिल्ली खतिवडाले गरेका थिए ।
समापन कार्यक्रममा प्रमुख अतिथि मेचीनगर- ८ का वडाध्यक्ष विकेन्द्र धिमाल, अतिथिहरू वडा सदस्य गंगा पाठक, नेपाली काँग्रेस मेचीनगर ८ वडा सभापति गिरिराज धमलालगायतले तालिममा सहभागी प्रशिक्षार्थी महिलाहरूलाई बीउ-विजन वितरण गरेका थिए । संस्थाकी अध्यक्ष हेमा राय खनालको अध्यक्षतामा सम्पन्न समापन कार्यक्रमको सञ्चालन सचिव तेजन राजवंशीले गरेका थिए ।