रातोपोस्ट संवाददाता
झापा, १४ बैशाख । झापाको शिवसतासी नगरपालिका वडा नम्बर २ मा राप्रपाको तर्फबाट डिक बहादुर बोहरा (हरी) ले वडाध्यक्षको उम्मेद्वारी दिएका छन् ।
त्यसैगरी वडा सदस्यहरुमा लक्ष्मण आचार्य, योगेन्द्र अधिकारी, भिमा रसाइली र शारदा बुढाथोकीले उम्मेद्वारी दिएका छन् । साेमबार शिवसतासीकाे निर्वाचन कार्यालयमा गएर उनीहरुले उम्मेद्वारी दर्ता गराएका हुन ।
लामो समयदेखि राजनितिक क्षेत्रमा लागेका बोहरा धरमपुरका स्थायी बासिन्दा हुन । सामाजिक क्षेत्रमा रहेर सक्रिय रुपमा काम गर्दै आएक उनी हाल राप्रपा शिवसतासी नगर समितिका पधाधिकारी सदस्यको जिम्मेवारीमा रहेका छन् ।
सामाजिक क्षेत्रमा लोकप्रिय रहेका बोहरा स्थानिय स्तरमा निकै लोकप्रिय व्यक्तिको रुपमा परिचित छन् । वडाध्यक्षमा बोहरा उम्मेद्वारीलाई समेत निकै अर्थपूर्ण रुपमा लिईएको पाइन्छ ।