झापा, ३० बैशाख । स्थानीय तहको निर्वाचन अन्तर्गत शिवसताक्षी नगरपालिकामा ६५ प्रतिशत मत खसेको छ । निर्वाचन अधिकृत ऋषीराम पौडेलका अनुसार नगरका ६६ वटा मतदान केन्द्रमा ६६ प्रतिशत मत खसेको हो । सबैभन्दा बढी शिवसताक्षी नगरपालिकाको वडा नम्बर- २ को मोति माद्यमिक विद्यालयको केन्द्रमा ७८ प्रतिसत मत खसेको निर्वाचन कार्यालय शिवसताक्षीले जनाएको छ ।

निर्वाचन कार्यालयका अनुसार आजै मतगणना हुने छ । जिल्ला स्थित निर्वाचन कार्यालयले जिल्लाका सबै स्थानिय तहका हरेक मतदान केन्द्रबाट मतपेटिका संकलन गरेर पालिका स्थित निर्वाचन कार्यालयमा पुर्याएपछि मतगणना सुरु हुने छ ।

निर्वाचन अधिकृत पौडेलका अनुसार मतपेटिका संकलन गर्ने काम सुरु भएको छ । सवै वडामा भएका मतदान केन्द्रबाट मतपेटिका संकलन भइसकेपछि सर्वदलिय बैठकको निर्णय अनुसार मतगणना सुरु हुने उनले बताए ।