झापा, ३१ बैशाख । अर्जुनधारा नगरपालिकामा स्थानीय निर्वाचनको मतगणना अझै सुरु हुन सकेको छैन । यसअघि सर्वदलीय बैठकबाट बिहानको ११ बजेबाट सुरु गर्ने सहमति भएको थियो । तर, १२ बजेर १५ मिनेट बितिसक्दा पनि मतगणना सुरू हुन सकेकाे छैन । हिजो निर्धारित समयमै सुरक्षित तवरबाट मतदान कार्य सम्पन्न भए पनि मतगणना भने हुन सकेको थिएन । ११ वटै वार्डबाट मतपेटिका ल्याउने क्रममा १० नम्बर वडाको मतपेटिकामा केही त्रुटि भएपछि मतगणना हुन नसकेको हो । मतपेटिका ल्याउने क्रममा वडा नम्बर १० को एउटा मतपेटिकाको एकापट्टिको सिल चुट्टिएको पाइएपछि अन्योल सिर्जना भएको थियो । मतगणना स्थलमा बस्ने दलीय प्रतिनिधिहरुको नागरिकता, परिचयपत्रलगायत कागजात व्यवस्थित गर्ने कार्य भइरहेकाले समय लागेको बताइएको छ । बैठकले वडा नम्बर १ बाट मतगणना सुरु गर्ने निर्णय लिएको थियो । अहिले नगरपालिका बाहिर वरपर पार्टी कार्यकर्ता तथा मतदाताहरुको भीड लागेको छ । यस नगरमा ५३ हजार ७४५ कुल मतदाता संख्या रहेको यस नगरमा यसपटकको निर्वाचनमा ३८ हजार ५२३ मत खसेको जिल्ला निर्वाचन कार्यालय झापाले जनाएको छ । समग्रमा ७१ दशमलव ६८ मत खसेको छ ।
- आजदेखि चलचित्र डिग्री माइला प्रदर्शन
- तेक्वान्दोका रोशन र बक्सिङकी त्रिशा झापा स्पोर्टस् अवार्डको उत्कृष्ट वर्ष खेलाडी
- आदिवासी समुदायले सिरुवा पर्व मनाउँदै
- पातालगङ्गा घैलाडुब्बा मन्दिरको अध्यक्षमा खरेल चयन
- दुर्गापुरमा बसले झारेको युवकको मृत्यु
- सुरेन्द्रनगर घैलाडुब्बा मन्दिर समितिको सपथ ग्रहण कार्यक्रम सम्पन्न
- कालिका सामुदायिक वनमा मृत भेटिएकाे हात्तीलाई गोली हानेर मारेको पुष्टि
- एनसेल टावरमा कुकर बम विष्फोट, जनमुक्ति सेनाको पर्चा भेटियो
- कांग्रेस कोशीको प्रमुख सचेतकमा गोपाल तामाङ
- फेरि बढ्यो पेट्रोल, डिजेल र मट्टितेलको मूल्य