रातोपोस्ट संवाददाता
उदयपुर, १६ जेष्ठ । उदयपुरमा ट्रक पल्टिँदा चार जनाको मृत्यु भएको छ । गएराति कटारी नगरपालिका-१४ भदौरेमा ना ८ ख ८२९७ नम्बरको ट्रक अनियन्त्रित भएर सडकबाट खस्दा चालक बाराका ३३ वर्षका सुदीप घलान, सहचालक नितेश खड्कासहित ट्रकमा रहेका १६ वर्षका अनुस लामा र ३७ वर्षका राजन तामाङको मृत्यु भएको प्रहरीले जनाएको छ ।
बाराको पथलैयाबाट सिमेन्ट बोकेर सोलुखुम्बुका लागि छुटेको ट्रक दुर्घटनामा परेको हो ।