काठमाडौं, २७ पुस । पृथ्वी जयन्तीको अवसरमा आज पुस २७ गते सार्वजनिक बिदा भएको छ। सोमबार बसेको मन्त्रिपरिषद् बैठकले पृथ्वी जयन्तीको अवसरमा पुस २७ गते सार्वजनिक बिदा दिने निर्णय गरेको हो।

यस अघि पुष्पकमल दाहाल नेतृत्वको सरकारलाई समर्थन गरेको सत्ता साझेदार दल राप्रपाले पुस २७ मा सार्वजनिक बिदा दिनुपर्ने माग राख्दैआएको थियो।

सरकारले राष्ट्र निर्माता पृथ्वीनारायण शाहको जन्म दिन पुस २७ गते सार्वजनिक बिदा दिने निर्णय गरेकोमा राष्ट्रिय प्रजातन्त्र पार्टीले त्यसको स्वागत गरेको छ।