झापा, २७ पुस । झापाको अर्जुनधारा नगरपालिकामा श्रीमानकाे लात्ती प्रहारबाट श्रीमतीकाे मृत्यु भएको छ । अर्जुनधारा नगरपालिका- ९ स्थित खरबन्दीमा ३५ बर्षिय बिश्वराज घिसिङले उनकी श्रीमती ३६ बर्षिया प्रमिला भुजेल (घिसिङ) लाई खाना नपकाएको कारण झै–झगडा गरेर लात्ती प्रहार गर्दा पेटमा लागेर उनकाे मृत्यु भएकाे हाे ।

लात्ती प्रहार गर्ने श्रीमान घिसिङलाई प्रहरीले नियन्त्रण लिएकाे छ । उनलाई थप अनुसन्धानका लागि ईलाका प्रहरी कार्यालय अनारमनीमा राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।