झापा । एसईई परीक्षार्थीको तयारीमा जुटेका परीक्षार्थीहरुलाई वडा कार्यालयले आइतवार अचानक भेला पार्यो । झापा, मेचीनगरको वडा नम्वर ४ का आधा दर्जन सामुदायिक र निजी विद्यालयका सय वढी परीक्षार्थी वडा कार्यालय बाहुनडा“गीको सा“घुरो कोठमा जुटे ।
स्थानीय विद्या विकास एकाडेमीकी सेविका दाहाललाई वडाले संचालन गरेको कार्यक्रम देखेर अनौठो लाग्यो । एसईईको तयारीमा जुटेका सेविका जस्ता धेरै परीक्षार्थीले आइतवार नौलो अनुभव संगाले । परीक्षाको तीव्र तयारीमा जुटेका वडाभरीका परीक्षार्थीलाई एकैथलोमा भेला गरेर परीक्षामा सफल वन्ने सुत्र मात्रै बाडिएन, तरुल पनि उपहार दिएर पठाइयो । तरुल किन उपहार दिएको होला ? सवै विद्यार्थीका मनमा जिज्ञासा उव्जियो । विद्यार्थीको जिज्ञासा मेट्दै वडा अध्यक्ष अर्जुन कुमार कार्की बोले ‘तपाईहरुलाई यो तरुल तरकारी खान दिएको हैन, रोप्न दिएको हो, रोप्नुस् ।
फलेपछि हामी हेर्न आउने छौ ।’तरुल उपहार पाउ“दा पशुपति माविकी रोश्ना मगरलाई अनौठो लाग्यो । घर गाउ“मा फलेको देखिरहेको तरुल किन उपहार दिएको होला भन्ने जिज्ञासाले उनको मनमा डेरा जमाइ रह्यो । वडा कार्यालयले अरु नै कुनै चीज उपहार देला भन्ने अनुमान गरेकी उनको अनुमान फेल खायो । ‘अनुमान नै नगरेको चीज पाउ“दा छक्क परेकी छु’, रोश्नाले आश्चर्यचकीत हुदै सुनाइन्,‘वडा अध्यक्षले तरुल रोपेर फलाउनु भन्नु भएको छ । फलाएर देखाउ“छु ।’
हात्ती आतंकसंग वर्षौदेखि जुध्दै आएको पूर्वोत्तर झापाको यो वडामा फलाइएका अन्नवाली हात्तीले सखाप पार्ने गर्छ । तरुल चाही“ हात्तीले कम क्षति गर्ने तरकारी वाली हो । तरुल खेतीमा प्रोत्साहनगर्न वडाले गत माघे संक्रान्तीमा ‘तरुल महोत्सव’ नै आयोजना गर्यो । देशमै पहिलो पटक आयोजना भएको महोत्सवमा दर्जनौ प्रजातिका तरुलहरुको प्रदर्शनीसंगै विक्री वितरण पनि भयो । ‘आगामी वर्ष आयोजना हुने तरुल महोत्सवलाई लक्षित गरेर विद्यार्थीलाई तरुल उपहार दिइएको हो’, वडा अध्यक्ष कार्कीले थपे,‘सय वढी विद्यार्थीले आज रोपेको तरुल अर्को वर्ष सयौ किलो फल्ने पक्का छ ।’
खासमा वडाले पछिल्लो पुस्ताले विर्सदै गएको नेपाली तरकारी तरुल जस्ता वस्तुहरुको पहिचानसंगै संरक्षण गर्ने र हात्तीवाट क्षति पनि न्यूनीकरण गर्ने उद्देश्य राखेर विद्यार्थीलाई तरुल उपहार दिएको हो । वडाले हात्तीले क्षति नै गर्न नसक्ने वालीका रुपमा तरुल खेतीप्रति स्थानीय किसानलाई प्रोत्साहन गर्दै आएको वडा सदस्य पवन वराइलीले जनाए । ‘जमीन मुनी फल्ने भएकाले हात्तीले कम क्षति गर्ने तरकारी हो तरुल’, कार्यक्रममा निम्त्याइएका ग्रामीण पर्यटनका भारतीय अभियन्ता राज बासुले भने,‘हात्ती प्रभावित क्षेत्रमा वैकल्पिक वालीको रुपमा तरुल उपयुक्त वाली हो ।’