काठमाडौँ, ३२ जेठ । समाजवादी मोर्चा गठनबारे जानकारी दिन नेकपा एकीकृत समाजवादी पार्टीले केन्द्रीय सचिवालय बैठक बोलाएको छ । सो पार्टीका उपमहासचिव गंगालाल तुलाधरका अनुसार सचिवालय बैठक असार १ गते शुक्रबार बिहान ८ बजे बस्नेगरी बोलाइएको हो । ‘शुक्रबार बिहान ८ बजे बस्नेगरी बैठक बोलाइएको छ । खासगरी समाजवादी मोर्चा गठनबारे जानकारी दिन बैठक बोलाइएको हो’, तुलाधरले भने, ‘त्यसबाहेक अन्स समसामयीक छलफल त भैहाल्छ ।’

माओवादी केन्द्र, जसपा, नेकपा एकीकृत समाजवादीसहित विप्लव नेतृत्वको नेपाल कम्युनिस्ट पार्टी र वामदेव गौतम समेत समेटेर समाजवादी मोर्चा घोषणाको तयारी भएको नेताहरुको भनाई छ । उनीहरुका अनुसार असार १ गते नै उक्त मोर्चा घोषणाको तयारी भएपनि अहिलेसम्म समय निश्चित भैसकेको छैन ।