झापा, ४ भदौ । क्रिकेट संघ काेशी प्रादेशिक कमिटीको अध्यक्षमा माेरङका सर्वजित पाण्डे निर्वाचित भएका छन् । साेमबार झापाकाे मेचीनगरमा सम्पन्न संघको दोस्रो साधारणसभाबाट पाण्डेकाे नेतृत्वमा नयाँ कमिटी चयन भएको हो ।
प्रदेशका ५ वटा जिल्लाका क्रिकेट संघका प्रतिनिधिहरू सहभागी रहेको साधारणसभाबाट उपाध्यक्षमा अनुप ढुगाँना, सचिवमा टिकाराम पुरी र कोषाध्यक्षमा विरु श्रेष्ठ चयन भएका छन् । संघका केन्द्रीय अध्यक्ष चतुरबहादुर चन्दलेको साधारणसभाको एक समारोहबीच उद्घाटन गरेका थिए ।
उद्घाटन कार्यक्रममा नेपाल उसु संघका कोशी प्रदेश अध्यक्ष कुमार आचार्य, राष्ट्रिय क्रिकेट टिमका पूर्व कप्तान पारस खड्काकाे उपस्थित रहेको थियाे । प्रादेशिक क्रिकेट संघ कोशी प्रदेशका अध्यक्ष मिङमा ल्यामु शेर्पाको अध्यक्षतामा सम्पन्न उद्घाटन सत्रको स्वागत उपाध्यक्ष नविन घिमिरेले र सञ्चालन सदस्य सचिन सुब्बाले गरेका थिए ।