रातोपोस्ट संवाददाता
झापा, २३ असाेज । नेपाल कम्युनिस्ट पार्टीका महासचिव विप्लव सी असाेज २४ गते भाेलि झापा आउदै छन् । समाजवादी मोर्चा झापाले आयाेजना गरेकाे सन्देश सभालाई सम्बोधन गर्नेका लागि महासचिव विप्लव झापा आउन लागेका हुन ।
झापाकाे विर्तामोड सिटी सेन्टर स्थित साई पार्टी प्यालेसमा मध्यान्ह १२ बजेदेखि सुरु हुने सन्देश सभालाइ सम्बोधन गर्नेका लागि महासचिव विप्लव सी आउन लागेकाे नेपाल कम्युनिस्ट पार्टीका मेची ब्युरो इन्चार्ज सुमनसिंहले जानकारी दिएका छन् ।
महासचिव विप्लवसहित नेकपा माओवादी केन्द्रका सचिव चक्रपाणी खनाल (बलदेव) एकीकृत समाजवादीका केन्द्रीय सचिव राजेन्द्र राई, जनता समाजवादीका केन्द्रीय सह-अध्यक्ष राजेन्द्र श्रेष्ठले पनि सम्बोधन गर्ने छन् ।