झापा, २८ कार्तिक । हिजो देउसी खेल्न गएका झापा मेचीनगर- १० धुलाबारीका भरत जैसवाल आज मृत फेला परेका छन । हिजो बेलुका देउसी खेल्न भन्दै घरबाट निस्किएका ३० बर्षिय जैसवाल आज अपरान्ह मेचीनगर- ११ स्थित गोजाबस्तीमा मृत अवस्थामा भेटिएको इलाका प्रहरी कार्यालय धुलाबारीका प्रमुख प्रहरी निरीक्षक रोहित शर्माले बताए ।

आज मंगलबार दिउँसो २ः३० बजेको समयमा स्थानीयहरुले लडिरहेको देखेर प्रहरीलाई खबर गरेपछि प्रहरी पुगेको थियो । प्रहरी पुग्नु अघि नै जैसवालको मृत्यु भइसकेको प्रहरी निरीक्षक शर्माले जानकारी दिए । मृतकको कानूनी प्रक्रिया पुरा गरी शबलाई परिवारको जिम्मा लगाएको शर्माले बताए ।