झापा, १६ पुस । झापाको मेचीनगर नगरपालिका- ९ धुलाबारीस्थित देवी भण्डारीको नाममा रहेको जग्गा माफियाहरुले विभिन्न सेटिङ्ग हत्याएपछि आईतवार नेपाल कम्युनिस्ट पार्टीले नियन्त्रणमा लिएको छ । पार्टीका नेताहरुकै उपस्थितिमा सो जग्गा नियन्त्रणमा लिइएको बताइएको छ । पार्टीका पुर्वी झापा सचिव हुकुम सीले पीडितलाई न्यायको वातावरण नबनाई अगाडि बढ्न खोजे परिस्थिति बिग्रने चेतावनी समेत दिएका छन् । यो अत्याचारको पराकाष्ठा भएको बताउँदै नेकपा पुर्वी झापाले माफियागिरी मान्य नहुने बताएको छ ।
घट्ना यस्तो छ ।
आफ्नो धितो बैंकमा राखेर अर्कै व्यक्तीले ऋण लिएर नतिरेपछि बैंकको लिलामीपछि अर्कैले जमिन सकारेको घटना सुन्दा कसको मन स्थिर रहला ? त्यस्तै घटना झापा मेचीनगर-९ की देबी शर्मा भण्डारीले भोग्नु परेको छ । आफू बिरामी हुँदा दृष्टिबन्धक राखेर स्थानीय सन्तोष खड्कासँग ५ लाख रकम लिएकी थिइन् ।
२ बर्षपछी फर्काउने सर्तमा २०७१ साल बैशाख ४ गते खड्कासँग ऋण लिएकी थिइन् । भाका नाघ्नै लाग्दा मैले धितो फुकुवा गर्न पटकपटक आग्रह गरेकी थिएँ, `खड्काले साथीको नाउँमा धितो पास गरेको छ बिस्तारै फुकुवा गरिदिन्छ भन्यो । फिर्ता गर्छ-गर्ला भनेर पर्खें, अहिले अन्योलमा परें, पीडित भएको छु ।
भण्डारीले रकम लिँदा दृष्टिबन्धक कागज गर्नुपर्नेमा काठमाडौँ-१४ का सुजन श्रेष्ठले राजीनामा पासको पेपर बनाएर कृर्ते पास लिएको भण्डारीको आरोप छ । श्रेष्ठले जमिन आफ्नो नाउँमा आउनेबित्तिकै बैंकमा ऋण लिएको रहस्य खुलेको छ ।
श्रेष्ठ सम्पर्क विहिन भए पछि हाल उक्त जमिन शंकर बस्नेतको नाउँमा आएकोले उक्त जमिन फिर्ता दिलाइदिन आग्रह गरेको हुँ, `म बिर्तामोडको मनमोहन अस्पतालको बेडमा रहेका बेला स्थानीय छिमेकी सन्तोष खड्काले बैंकमा राखेर पैसा निकालिदिने वचन दिएपछि मैले सोहीबेला सहिछाप गरेकी थिएँ ।
श्रीमान पुर्णप्रसाद भण्डारीको नामको कित्ता न.१३३३ को १ बिगाह ५ कठ्ठा जमिन उनकै नाउँमा ल्याएर ग्लोबल आइएमइ बैंकमा श्रेष्ठले राखेर अन्याय गरेको आइतबार पत्रकारसँग जानकारी दिइन् । श्रेष्ठले लिएको ऋणको साहुँ-ब्याज नतिरेपछि बैंकले मिलेमतोमा लिलामको प्रक्रियाका लागि सूचना निकालेर बैंकको ऋण र उक्त जमिनसमेत सकारिसकेको खबरले थप पीडित बनाएको भण्डारीको भनाई छ ।
बैंकले लिलामको सूचना निकालेपछि म पैसा लिएर बैक जादा जमिन फिर्ता नगर्नु फेरि बैंकले मिलेमतोमा मेचीनगर-१० का शंकर बस्नेतलाई जग्गा पास गर्नुे कुराले पनि बैककाे बदमासी रहेकाे छ। भुमाफियाहरुले आफ्नो जमिन सकारिसकेकाले आफू पीडित भएको र न्याय दिलाइदिन न्यायप्रेमी एबम् सरोकारवलाहरुलाई आग्रह गरेकी हुँ उनले भनिन् ।´
यसैबीच नेकपा कम्युनिस्ट पार्टी झापाले देवी भण्डारीको न्यायोचित माग पूरा नभएसम्मका लागि उक्त जमिन कुनै व्यक्ति तथा संघसंस्थाले कारोबार नगर्न भन्दै झण्डासहित ब्यानर राखेको छ । पार्टीका जिल्ला अध्यक्ष प्रशान्त सीले देबी भण्डारीको मागलाई सम्बोधन गर्दै जमिन फिर्ता दिनसमेत सम्बन्धित व्यक्तिलाई आग्रह गरेका थिए ।
