झापा, २९ पुस । मेची मासु सहकारी संस्थाको १६ औं वार्षिक साधारण सभा शनिवार सम्पन्न भएको छ । साधारण सभाको अवसरमा सहकारीले बिभिन्न व्याक्तिहरुलाई सम्मान गरेको छ । सहकारीले महिला राष्ट्रिय क्रिकेट खेलाडी अप्सरी वेगमलाई खेलको माध्यमबाट आफनो समाज र देशको नाम उच्च बनाएको भन्दै सम्मान गरेको छ । उनलाई नगद ५ हजारसहित सम्मान गरेको थियो ।
सोहि अवसरमा संस्थाले ज्येष्ठ सदस्यहरु देवीप्रसाद उप्रेती, काजीमान भुजेल, लीला कार्की, जगमाया खड्का र सीता तिम्सीनालाई नगद, न्यानो कम्बलसहित सम्मान गरेको थियो । यस बर्षको बर्ष उत्कृष्ट कर्मचारीको रुपमा मेची मिट मार्ट तर्फका कर्मचारी विनोद राना मगर नगद ५ हजार रुपैयाँसहित सम्मानित भएका छन् ।
कार्यक्रममा प्रमुख अतिथि राष्ट्रिय सहकारी बैंकका लेखा सुपरिवेक्षण समिति संयोजक एवम् नेपाल बहुउद्घेश्यीय सहकारी संस्थाका प्रमुख कार्यकारी अधिकृत लक्ष्मीप्रसाद उप्रेतीले केही सहकारी संस्थाहरु सहकारीका मूल्य, मान्यता र सिद्घान्त अनुसार सञ्चालन हुन नसकेकका कारण असफल भएको भन्दैं हरेक सहकारी संस्थाहरु आफ्ना उद्देश्य अनुसार अघि बढे सफल हुने दावी गरे ।
कार्यक्रममा नेपाल बहुउद्घेश्यीय सहकारी संस्थाका अध्यक्ष ठाकुरप्रसाद शिवाकोटी, संस्थाका संस्थापक अध्यक्ष नारायणप्रसाद प्रसाई, मेचीनगर नगरपालिकाका सहकारी विभाग प्रमुख दिपेन्द्र कार्की, ह्चारी संघका केन्द्रीय सदस्य बोधाज निरौला, मेची सामुदायिक सेवा केन्द्रका अध्यक्ष मुक्ति पौडेल लगायतले शुभकामना मन्तव्य व्यक्त गरेका थिए ।
संस्थाका अध्यक्ष भगिरथ राईले आर्थिक वर्ष २०७९/०८० असार मसान्तको वास्तविक र आर्थिक वर्ष २०८०/०८१ को अनुमानित कारोबार प्रस्तुत गरेका थिए । यसैगरी संस्थाका लेखा समिति संयोजक दुर्गाबहादुर लुईटेलले लेखा समितिको आर्थिक वर्ष २०७९/०८० वार्षिक प्रतिवेदन प्रस्तुत गरेका थिए । मेची मासु उत्पादक सहकारी संस्थाका अध्यक्ष भगिरथ राईको अध्यक्षता, स्वागत उपाध्यक्ष राजकुमार पराजुलीले र सञ्चालन व्यवस्थापक अनिता गुरागाईले गरेकी थिइन् ।