रातोपोस्ट संवाददाता
काठमाडाैं, ८ माघ । नेपाली गायिका मेनुका पौडेल इन्डियन आइडल सिजन १४ को उत्कृष्ट १० मा प्रवेश गरेकी छन् । आइतबार राती प्रशारण भएको एपिसोडबाट उनी उत्कृष्ट १० मा प्रवेश गरेकी हुन् ।
मेनुकाको आइतवारको प्रस्तुतिलाई पनि निर्णायकहरूले खुलेर प्रशंसा गरेका थिए । आफ्नो गायिकीले भारतमा समेत प्रशंसा पाइरहेकी मेनुकाले बलिउड चलचित्र ‘सलार’मा गीत गाइसकेकी छन् । उक्त चलचित्र केही समय अगाडि प्रदर्शनमा आएको थियो ।